اجمل قصيدة للشاعر صالح الدعدوع البردوني
لمه يا قلب ابو عبد العزيز اليوم با تحوج
وعاد الله با يجعل لنا من كل ضيق افراج
تمسك بالعقيده والتزم بالدين والمنهج
وكن صلة على من شاع نوره ليلة المعراج
ويانفسي شويتيني قد العظمان باتنضج
ولحمي ناضجه ماباقي الا الملح والحواج
طرحتيني على جمر القرض والطلح والعوسج
نهاري فوق مؤقاده وليلي قلقلة في صاج
زمان العوج ماجهدي يقادي كل عوداعوج
ولا جهدي يرد الناقزة من ضربة الملباج
انا ماقلت للدنياء تقابلني بوجه ابلج
ولا تعطيني انواع المعادن والذهب والعاج
ولا تخرج بنات الحور والقط لي رقيق اغنج
وتفرش لي قصور القاهره بالزل والديباج
ولكن تعتدل لاتمتلح شدا ولا تسمج
برزق السهل واخذ ماكتب فيها بدون احراج
سهرت الليل وانا في جبل عالي وقصر اهوج
اخيل برق يشعل والهواجس مزنها ثجاج
معنا بالرسالة عندما ضو الصباح ابرج
من اعماق الصباحه شد فوق الفاخرالهياج
وصولك لا ذمارالعلم فيها نور يتوهج
حكومة عنس قيفه والحداء والصيح والمدراج
لواء ضمت مئة عالم اجلاء والهتاراحنج
نجوم الليل تتفاوت قنابل عاليه وابراج
وبلغ له تحيه مايشدو غاليه واروج
مضارب عطرنهديهن وله بالميج والميراج
نعم ياشيخ ماحكم الشريعه في كفيف اطنج
وضالم مفتري من سايره سبب عليه ازعاج
ومجموعه من العرجان عرجن ذي تسوق اعرج
موظف ياكل الراتب ومستهلك بدون انتاج
بلادي ياطويل العمر شرقي عاصمة مذحج
عليها من بحور الجهل موجة ذي تهيج امواج
وشايبها تربى في هماجه والشباب اهمج
قبيل ظالمه يامنقذ الكوفه من الحجاج
وفيها من دحر في صاحبه ضن ان بايعرج
ولو شافه ملقي قصمتة لضرب والدحاج
اروي صاحبي حكم الفلاجة قبل مايفلج
على سلف البلد واعرافها واتخبرودماج
وقصتنا غريبه ماتبان الا لمن برمج
يسجلها ويكتبها ويتركها بدون انتاج
دمانا عالقة في ذمتك لاتلقنى نحبج
بحجرالواحد الفرد الصمد والكائنات ازواج
تعبنا ولولة عاد الحريوة داخل الهودج
وحكمك لايقع مفتاح باب الشروالطناج
وقفناعند محجرمانخلي داهجة تدهج
وخبريامخبرعندها كم بانحط اعتاج
سلاحي صاحبي ياعز واغلى ماصنع وانتج
وعزالقبيلة يوم الجرامل صوتها رجاج
نجر امقاصها لاماعظام الراس تتهلج
وعندالموت يجري بيننا سهم الله الفلاج
نهاية من يدق ابواب ماله منها مخرج
يشوة صورته بعد الكحل والميل والمكياج
حصان ابليس كان التيس منذي لجمه واسرج
يصارعنا ويتحدى وع دنهرالدماء نياج
ختمها من بدعها ذي نضم مدكاه فالمفرج
وصلينا على من شاع نورة ليلة المعراج